web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për trafikim armësh/ Këlliçi: Të nisë menjëherë hetim parlamentar ndaj ministrit Nufi

8 Shtator 2026, 16:18, Politikë CNA

Akuzat për trafikim armësh/ Këlliçi: Të nisë

Deputeti dhe nënkryetari i Partisë Demokratike, Belind Këlliçi, ka reaguar sot lidhur me akuzat e bëra nga ish-zëvendëskryemistri Arben Ahmetaj ndaj Ministrit të Mbrojtjes, Ermal Nufi, për trafik armësh.

Përmes një postimi në rrjetet e tij sociale, Këlliçi shkruan se ndaj Nufit duhet të nisë në mënyrë të domosdoshme dhe të menjëhershme një hetim parlamentar për akuzën e trafikut ndërkombëtar të armëve.

Sipas demokratit,  nevojitet transparencë dhe të jepet llogari lidhur me çështjen e armëve që do prodhoheshin në Afrikë e do ambalazhoheshin në Tiranë.

Këlliçi shton se Nufi duhet të kishte paraqitur dorëheqjen, ndërsa sot shfaqet sikur nuk ka ndodhur asgjë.

Reagimi i plotë:

Hetimi parlamentar për akuzën e trafikut ndërkombëtar të armëve, i domosdoshëm dhe i menjëhershëm!

Ndërkohë që Ministri i Mbrojtjes duhej të kishte paraqitur sot dorëheqjen dhe Kryeministri të mbante përgjegjësi e të jepte llogari për akuzën e shoqëruar me dëshmi për trafik ndërkombëtar të armëve, Edi Rama dhe Ermal Nufi u shfaqën në një aktivitet sikur asgjë nuk ka ndodhur.

Kujtojmë se mbrëmë, ish-zëvendëskryeministri Ahmetaj, solli dëshmi se si miku personal i Kryeministrit, izraeliti Ron Yeffet, në një komunikim me partnerët ukrainas tregoi se kishte çdo gjë nën kontroll në Shqipëri dhe mund të bënte çfarë të donte me procedurat, me tenderat, me projektet, me infrastrukturën.

Ai ishte pajtuar nga Kryeministri për të kryer punët e pisëta.

Dhe vegla që Ron Yeffet kishte në dispozicion në fushën e trafikut të armëve që do prodhoheshin në Afrikë e do amballazhoheshin në Tiranë, është pikërisht Ermal Nufi

Ky është nga skandalet më të rënda të këtyre dekadave që cënon rëndë sigurinë tonë kombëtare por edhe të NATO-s, ku ne jemi anëtarë.

Ndërkohë që Edi Rama ka treguar se mbron çdo aferë e çdo person të përfshirë, dhe në kushtet kur SPAK nuk kryen detyrën, është e domosdoshme të ngrihet sa më shpejt Komisioni Hetimor Parlamentar që ka kërkuar sot Opozita.

Personalisht, kam kërkuar transparencë lidhur me këto dyshime dhe me aktivitetin e KAYO, kompania shtetërore që ka krijuar Rama por që kontrollohet nga Ron Yeffet.

I kam dërguar kërkesë për informacion Ministrit të Mbrojtjes prej 5 muajsh, pa marrë asnjë herë asnjë përgjigje.

Kjo heshtje konfirmon akuzën që u bë mbrëmë dhe dëshmisë që u bë publike për trafik ndërkombëtar armësh.

Parlamenti e ka për detyrë të hedhë dritë mbi këto fakte, dëshmi e akuza.

Me nisjen sot të sesionit të ri parlamentar, duhet të marrë rrugë edhe kërkesa e drejtë e Opozitës për ngritjen e Komisionit Hetimor Parlamentar për këtë mega skandal!/CNA





11:32 Politikë

Kur bie Rama?

Sekretari i Përgjitshëm i PD-së, Flamur Noka në intervistë...

Lajmet e fundit nga