Ford (F.N) po tërheq nga tregu 223,472 automjete në SHBA, për shkak të depozitave të karburantit që mund të kenë rrjed...
KOSOVA
Kurti fton PDK-në të propozojë nënkryetarin e Kuvendit: Të mos humbim kohë me procedura
PiranjatPërditësimi i fundit 13 Shtator 2026, 22:40
Kryeministri i sapozgjedhur i Kosovës, Albin Kurti, i ka bërë thirrje Partisë Demokratike të Kosovës që të angazhohet në punën e Kuvendit dhe të propozojë sa më shpejt kandidatin e saj për nënkryetar të Kuvendit.
Kurti tha se institucionet duhet të nisin punën dhe se nuk duhet të humbet kohë me procedura apo përplasje politike.
“Është e domosdoshme që të punojmë e të mos humbim kohë me procedura e me ndërskamca”, deklaroi Kurti.
Ai ftoi PDK-në që të propozojë kandidatin e saj për postin e nënkryetarit të Kuvendit dhe të marrë pjesë aktive edhe në punën e komisioneve parlamentare.
“E ftoj Partinë Demokratike të Kosovës që të vijë sa më shpejt ta propozojë edhe ajo kandidatin për nënkryetar të Kuvendit dhe të punojmë bashkë me komisionin parlamentar”, u shpreh kryeministri i Kosovës.
Kurti theksoi gjithashtu se institucionet shtetërore nuk i përkasin vetëm partisë që drejton qeverinë, por edhe opozitës.
“Qeveria është udhëhequr nga Vetëvendosje, ndërkohë në anën tjetër shteti dhe Republika nuk janë të qeverisë, ato janë edhe të opozitës, e cila do të jetë aktive në Kuvend”, deklaroi ai.
Thirrja e Kurtit vjen në kuadër të përpjekjeve për funksionalizimin e plotë të Kuvendit dhe nisjen e punës së institucioneve të reja pas zgjedhjes së qeverisë.
