Shqiptari Alket Rizai, një ish-bashkëpunëtor i të shumëkërkuarit grek Vasilis Paleokostas dhe i arratisur dy herë me helikopter nga burgu, ishte i përfshirë në incidentin me të shtëna në një bar plazhi në Anavyssos të Athinës, ndodhur në orët e para të mëngjesit të sotëm.
Nga analiza e pamjeve filmike që policia arriti të shihte vetëm vonë pasdite, ata përcaktuan se një nga personat e përfshirë në incidentin në barin e plazhit ishte Alket Rizai, i cili ishte liruar nga Burgu i Domokos me leje.
Korrespondenti i Top Channel Artur Bibe, raporton se lidhur me kronologjinë e rastit, policia mori një telefonatë për të shtëna në vendngjarje në orën 5:15 të mëngjesit. Kur policia mbërriti atje, nuk gjeti askënd, vetëm dy gëzhoja dhe njolla gjaku.