Sulm me dron ndaj një anijeje ruse në Detin e Zi, tre marinarë të plagosur
Tre anëtarë janë plagosur pas një sulmi me dronë ndaj një anijeje transporti me flamur rus në portin e Novorossiysk, në Detin e zi.
Sipas një njoftimi të sigurisë nga EOS Marine, anija transportuese e mallrave “Matros Koshka” u godit më 12 shtator 2026, ndërsa ndodhej e ankoruar në portin e Novorossiysk, në Rusi.
Nga sulmi u dëmtua pjesa e sipërme e anijes, përfshirë urën e komandimit, ambientet e qëndrimit dhe kabinat e ekuipazhit. Gjithashtu shpërtheu një zjarr në bord, i cili u vu nën kontroll me ndihmën e autoriteteve portuale.
Tre pjesëtarë të ekuipazhit mbetën të plagosur dhe u transportuan në spital. Deri më tani nuk janë bërë të ditura detaje të tjera për gjendjen e tyre shëndetësore.
Pas sulmit të fundit, anijeve që operojnë në zonën e Detit të Zi u është rekomanduar të kenë kujdes të shtuar.
Gjithashtu, kompanitë detare këshillohen të marrin masa për mbrojtjen e ambienteve të ekuipazhit dhe të raportojnë menjëherë çdo aktivitet të dyshimtë tek autoritetet përgjegjëse për sigurinë detare.
