Protesta e ditës së djeshme në Tiranë, nuk ka përfunduar pa incidente, pasi disa tubues bllokuan lëvizjen e automjeteve në akset kryesore dhe qytetarëve.
Policia e Tiranës bën me dije se ka shoqëruar dhe marrë nën hetim 20 protestues, të cilët kanë bllokuar lëvizjen e qytetarëve dhe të mjeteve në disa zona të rëndësishme të kryeqytetit si bulevardet “Dëshmorët e Kombit”, “Bajram Curri” dhe “Gjergj Fishta”, sheshin “Wilson” dhe rrugët “Sami Frashëri” dhe “Abdyl Frashëri”.
Ata do të akuzohen për veprat penale “Organizimi dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit” dhe “Prishja e qetësisë publike”.
Ndërkohë edhe ditën e sotme ka pasur bllokim të rrugëve nga ana e protestuesve, të cilët sot penguan lëvizjen e automjeteve në një pikat kryesore të Tiranës, Zogun e Zi.
Njoftimi i policisë:
Tiranë/Bllokuan lëvizjen në akset kryesore të kryeqytetit dhe prishën qetësinë publike, procedohen penalisht 20 pjesëmarrës në një tubim të zhvilluar më datë 13.09.2026.
Në vijim të veprimeve hetimore dhe procedurale të kryera me qëllim dokumentimin e veprimeve të kundërligjshme të kryera gjatë këtij tubimi dhe nxjerrjen përpara përgjegjësisë penale të autorëve të tyre, specialistët e Komisariatit të Policisë Nr. 2 referuan materialet në Prokurori, ku nisi procedimi penal për 20 pjesëmarrës, konkretisht për shtetasit:
Sh. B., 33 vjeç; V. D., 29 vjeç; B. K., 36 vjeç; A. P., 49 vjeç; I. M., 28 vjeç; A. J., 39 vjeç; A. K., 46 vjeç; G. P., 37 vjeç; A. Ll., 28 vjeçe; I. M., 24 vjeçe; E. K., 27 vjeç; A. N., 26 vjeçe; S. E., 32 vjeç; A. Ll., 20 vjeçe; M. Y., 19 vjeç; A. B., 59 vjeçe; D. G., 50 vjeç; B. M., 34 vjeçe; R. Sh., 22 vjeç dhe A. K., 29 vjeçe.
Këta shtetas, dyshohet se nëpërmjet organizimit dhe pjesëmarrjes në tubim, kanë bllokuar lëvizjen e qytetarëve dhe të mjeteve, si dhe kanë prishur qetësinë publike, në akset kryesore të kryeqytetit, konkretisht bulevardet “Dëshmorët e Kombit”, “Bajram Curri” dhe “Gjergj Fishta”, në sheshin “Wilson” dhe në rrugët “Sami Frashëri” dhe “Abdyl Frashëri”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme për veprat penale “Organizimi dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit” dhe “Prishja e qetësisë publike”
Policia e Tiranës
Foto ilustruese
Pamje nga situata te Zogu i Zi
Sondazh
Lexo gjithashtu
