Presidenti amerikan, Donald Trump, i ka bërë thirrje ditën e djeshme presidentit ukrainas, Volodymyr Zelenskyy, që të ndalojë sulmet ndaj rafinerive ruse të naftës dhe infrastrukturës tjetër të përdorur për prodhimin dhe shpërndarjen e naftës, duke u shprehur se sulmet po shkaktojnë një mungesë globale.
Kjo thirrje e Trump erdhi pasi çmimet e naftës në SHBA arritën një rekord të premten, duke kaluar mesatarisht 6 dollarë për galon.
Prej muajsh Ukraina ka qenë në shënjestër të industrisë ruse të naftës dhe gazit me sulme me rreze të gjatë veprimi, duke shkaktuar racionimin e karburantit në të gjithë vendin dhe duke bërë që Moska të ndalojë eksportet e naftës në korrik, duke hequr furnizimet nga tregu global tashmë i ngushtë.
Por kriza globale erdhi pasi lufta kundër Iranit uli dërgesat e naftës përmes Ngushticës së Hormuzit. Kjo krizë ka bërë që çmimet e karburanteve të rëndojnë amerikanët, ndërsa ata po përgatiten të votojnë në zgjedhjet e mesit të mandatit në nëntor.
Sondazh
Lexo gjithashtu
