web counter
LEXO PA REKLAMA!

SHKARKO APP

App Store
Google Play

Kërcënimi me jetë ndaj gazetarit/ Policia nis hetimet

14 Shtator 2026, 16:31, Kronika CNA

Kërcënimi me jetë ndaj gazetarit/ Policia nis hetimet

Kanë nisur hetimet për kallëzimin me jetë ndaj gazetarit Osman Stafa. Sipas informacioneve policore, mesazhi me përmbajtje kërcënuese në llogarinë e gazetarit në një rrjet social, dyshohet se është dërguar nga një llogari e falsifikuar.

Në kuadër të veprimeve hetimore po punohet për identifikimin e autorit dhe dokumentimin e plotë të rrethanave të rastit.

Bëhet me dije se policia ka referuar materialet në Prokurorinë e Tiranës për për veprat penale “Falsifikimi kompjuterik”, “Përndjekja” dhe “Kanosja”,

Njoftimi i policisë:

Policia e Shtetit

Strukturat e Policisë së Shtetit kanë referuar materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, pas kallëzimit të shtetasit O. S., 34 vjeç, banues në Tiranë, (gazetar), i cili ka deklaruar se ka marrë një mesazh me përmbajtje kërcënuese në llogarinë e tij në një rrjet social.

Mesazhi dyshohet se është dërguar nga një llogari e falsifikuar. Në kuadër të veprimeve hetimore po punohet për identifikimin e autorit dhe dokumentimin e plotë të rrethanave të rastit.

Materialet procedurale janë referuar në Prokurori, për veprat penale “Falsifikimi kompjuterik”, “Përndjekja” dhe “Kanosja”, të parashikuara nga nenet 186/a, 121/a dhe 84 të Kodit Penal.

Hetimet vijojnë në drejtimin e Prokurorisë, me qëllim sqarimin e plotë të rrethanave të rastit dhe identifikimin e personit përgjegjës.

Policia e Shtetit është e angazhuar maksimalisht për të garantuar rendin dhe sigurinë, jetën dhe pronën e qytetarëve dhe, në veçanti, sigurinë e gazetarëve në ushtrimin e detyrës së tyre, duke reaguar ndaj çdo forme kërcënimi, intimidimi apo presioni që cenon sigurinë dhe lirinë e tyre për të ushtruar profesionin. /CNA





Lajmet e fundit nga