Një avion privat, në pronësi të biznesmenit turk Hamdi Akın, është aksidentuar gjatë uljes në aeroportin e Misratës në Libi.
Avioni ishte nisur nga Aeroporti Atatürk i Stambollit dhe po përpiqej të ulej në aeroportin e Misratës, kur ka dalë nga pista dhe është dëmtuar rëndë.
Si pasojë e incidentit, avioni është përfshirë nga flakët dhe është dëmtuar në disa pjesë.
Fatmirësisht, anëtarët e ekuipazhit kanë mundur të shpëtojnë nga aksidenti dhe nuk raportohet për viktima.
Autoritetet libiane kanë nisur hetimet për të përcaktuar shkaqet e aksidentit dhe rrethanat në të cilat avioni doli nga pista gjatë uljes./Versus.al
Poll
