Kreu i partisë Demokratike, Sali Berisha ka komentuar deklaratat bombë të ish-zëvendëskryeministrit Arben Ahmetaj se qeveria Rama b&e...
POLITIKE
Kamëz, shqetësim për politizimin e shkollave, nxënësit ftohen në takime politike
PiranjatPërditësimi i fundit 14 Shtator 2026, 19:03
Nisja e vitit të ri shkollor në Kamëz ka ngjallur shqetësime për politizimin e arsimit. Qytetarë dhe përfaqësues të komunitetit ngrenë shqetësimin për përfshirjen e nxënësve në aktivitete me karakter politik, duke akuzuar drejtues të pushtetit vendor dhe përfaqësues të mazhorancës për politizim të mjediseve shkollore. Ata kërkojnë ndërhyrjen e institucioneve arsimore dhe ndalimin e çdo forme të përdorimit të nxënësve për qëllime politike.
Në fillim të vitit të ri shkollor, qytetarë të Kamzës kanë reaguar me shqetësim për cilësinë dhe politizimin e arsimit, pas një ngjarjeje të pahijshme, të ndodhur në këtë bashki. Sipas tyre, drejtuesi politik i Partisë Socialiste, Taulant Balla, dhe kryetari i Bashkisë Kamëz, Rakip Suli, kanë përfshirë rrjetin e qeverive të nxënësve në organizimin e një takimi politik, në prag të nisjes së vitit të ri shkollor. Qytetarët e konsiderojnë këtë një përdorim të papërshtatshëm të nxënësve për qëllime politike, teksa i bëjnë thirrje Ministrisë së Arsimit dhe institucioneve arsimore që të distancohen publikisht nga aktivitete të tilla.
“Viti shkollor fillon në një mjedis të politizuar social dhe politik. Pushteti qendror dhe lokal është përqendruar në kapjen e arsimit për interesa politike dhe propagandës së partisë në pushtet. Denoncojmë përfshirjen e bashkisë Kamëz në përdorimin e nxënësve në veprimtari partiake të organizuara me eksponentë të partisë në pushtet. Të mos përfshihen fëmijët e shkollave në angazhime politike.”
Sipas qytetarëve, një sjellje e tillë duhet të ndëshkohet, në mënyrë që fëmijët të mos keqpërdoren për qëllime personale apo politike. Ata kërkojnë që institucionet përgjegjëse të garantojnë një mjedis arsimor të paanshëm dhe të mbrojnë nxënësit nga çdo formë përfshirjeje në veprimtari politike apo partiake./ Syri.net
