12 persona janë arrestuar dhe 15 të tjerë janë proceduar penalisht pas tubimit të zhvilluar mëngjesin e djeshëm në Tiranë.
Sipas Policisë, pjesëmarrësit cënuan perimetrin e sigurisë së një shkolle, u bënë thirrje nxënësve për bojkotimin e mësimit dhe kundërshtuan punonjësit e Policisë.
Ngjarja nisi në sheshin “Skënderbej” dhe vijoi me marshimin drejt Rrugës së Durrësit dhe Zogut të zi, ndërsa ndaj të proceduarve janë ngritur akuza për disa vepra penale, përfshirë kundërshtimin e Policisë, mosbindjen ndaj urdhrave dhe organizimin e një grumbullimi të paligjshëm.
