Taulant Seferi po kalon një formë të shkëlqyer në kategorinë e dytë turke, ku vazhdon të jetë vendimtar për Kajserisporin.

Sulmuesi i Kombëtares shqiptare realizoi dy gola në fitoren e thellë 4-0 ndaj Istanbulspor.

Me këtë dopietë, Seferi e çoi në shtatë numrin e golave të shënuar këtë sezon.

Falë suksesit, Kajserispori vazhdon të mbajë kreun e renditjes në kampionat.

Paraqitja e sulmuesit kuqezi u vlerësua maksimalisht edhe nga “Sofascore”.

Seferi mori notën 8.7, më të lartën në ekip për këtë sfidë, bazuar në statistikat e regjistruara.

Performanca e tij nuk kaloi pa u vënë re as në nivelin e kampionatit.

Sulmuesi shqiptar është përfshirë në formacionin ideal të javës së shtatë të kategorisë së dytë turke.

Dy golat ndaj Istanbulsporit konfirmojnë edhe një herë rolin e rëndësishëm që Seferi ka marrë në skuadrën e tij.

Me shtatë rrjeta në këtë sezon, ai po shndërrohet në një nga sulmuesit më produktivë të kampionatit.

Forma e tij është një lajm i mirë edhe për Kombëtaren shqiptare, e cila kërkon vazhdimësi nga repartet ofensivë.

Seferi tashmë synon të vijojë serinë e golave dhe ta ndihmojë Kajserisporin të mbetet në krye të renditjes.