Videoja që tronditi Francën! Polici përplas 29-vjeçarin në tokë, i riu godet kokën dhe vdes 13 ditë më vonë
Një hetim nga Inspektorati i Përgjithshëm i Policisë Franceze (IGPN) ka nisur pas vdekjes së një 29-vjeçari, i cili humbi jetën 13 ditë pasi një efektiv policie e shtyu, duke bërë që të përplaste kokën në tokë.
Ngjarja ndodhi në qytetin e Karkasonës, pas një festivali muzikor më 21 qershor. I riu, i identifikuar si Yusuf, u dërgua në spital dhe ndërroi jetë 13 ditë më vonë.
Fillimisht, prokuroria e Karkasonës deklaroi se nuk kishte prova për një lidhje mes incidentit dhe vdekjes.
Sipas autopsisë së kryer më 9 korrik, shkak i mundshëm i vdekjes u konsiderua një helmim toksik.
Por pas publikimit të videos së incidentit, çështja iu referua degës së IGPN në Marsejë për hetime më të thelluara.
Video has emerged of a French police officer violently throwing a 29-year-old homeless man named as Youssef E to the ground during a music festival.
— Al Jazeera English (@AJEnglish) September 14, 2026
Youssef died 13 days later, and a judicial investigation for "intentional violence" has been opened against the officer. pic.twitter.com/n5VDx43ILy
Vëllai i 29-vjeçarit, Hamza, i cili dëshmoi të hënën, kundërshtoi gjithashtu pretendimet e publikuara më herët për të shkuarën e të vëllait.
“Vëllai im nuk ishte i pastrehë. Ai kishte dhomën e tij në shtëpinë e prindërve tanë. Nuk ishte as përdorues i lëndëve narkotike. Kishte pirë alkool dhe kishte konsumuar kanabis me miqtë e tij gjatë Festës së Muzikës, kaq”, deklaroi ai për BFMTV.
Më herët, prokuroria kishte deklaruar se i riu kishte jetuar në rrugë që nga mosha 16-vjeçare.
Në fund, vëllai i Yusufit bëri thirrje që dhuna policore të ndalet.
“Shpresojmë që dhuna policore të ndalet në Karkasonë dhe në të gjithë vendin. Kur shohim diçka të tillë, ndihemi të neveritur, edhe në emër të policëve të tjerë.”
