Gjirokastër/ Zjarri përhapet pranë banesave në fshatin Arshi Lengo

Një vatër zjarri është shfaqur mesditën e kësaj të marte në rrethinat e fshatit Arshi Lengo, në Gjirokastër.

Flakët kanë përfshirë një sipërfaqe me shkurre dhe barishte në hyrje të fshatit dhe, për shkak të terrenit të thatë, zjarri është përhapur në një sipërfaqe të gjerë.

Flakët janë afruar pranë banesave të fshatit, duke rrezikuar përhapjen e zjarrit në zonën e banuar.

Për lokalizimin e vatrës po ndërhyjnë efektivat e MZSH Gjirokastër, të mbështetur nga dy autobotë zjarrfikës.

/vizionplus.tv