Përpjekjet për të frenuar përhapjen e Ebolës në lindje të Kongos kanë dhënë disa rezultate pozitive, por situata vijon të mbetet kritike.
Zyrtarët e Kombeve të Bashkuara paralajmërojnë se epidemia është ende në përmasa të mëdha dhe se mund të nevojiten muaj për ta vënë plotësisht nën kontroll.
Koordinatori special i OKB-së për Ebolën, Julien Arnis, deklaroi në një konferencë për shtyp në Gjenevë se në disa zona është shënuar përparim, ndërsa në të tjera rastet vijojnë të rriten. Ai e përshkroi situatën si një epidemi ende masive dhe vdekjeprurëse.
Edhe Organizata Botërore e Shëndetësisë ka bërë thirrje për vigjilencë. Olivier Le Poulin theksoi se është ende herët për të përcaktuar me siguri nëse epidemia e ka kaluar pikun.
Ministri i Shëndetësisë i Kongos, Samuel Roger Kaba, kishte deklaruar më herët se kishte shenja inkurajuese, duke iu referuar rënies së transmetimit pas kulmit të epidemisë në mesin e gushtit.
