Kosova
Pas SHBA-ve edhe Britania apel qytetarëve: Qendroni larg turmave në Prishtinë
Ilustrim · Vizion Plus
Dita e mërkurë do të jetë vendimtare për fatin e komandantëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi.
E gjithë vëmendja nesër do të jetë në Hagë, ku do të jepet vendimi nga Gjykata Speciale, por edhe në Prishtinë, ku pritet të mblidhen sërish me mijëra qytetarë.
Pikërisht për këtë arsye, ditën e sotme, ambasadat e SHBA-së dhe Francës më herët, tashmë edhe ajo britanike, u kanë bërë thirrje qytetarëve të tyre që të qëndrojnë larg tubimeve në Prishtinë.
Qeveria britanike u rekomandon shtetasve të saj të ndjekin zhvillimet lokale, të planifikojnë më shumë kohë për udhëtim dhe të qëndrojnë larg turmave të mëdha dhe demonstratave.
