Kuvendi do të mblidhet të enjten, më 17 shtator, në seancë plenare, ku në rendin e ditës janë parashikuar disa interpelanca me ministra, si dhe votimi i projektligjit për ndryshimin e pagave të magjistratëve.
Sipas rendit të ditës, deputetët do të zhvillojnë katër interpelanca urgjente me ministrat e Mjedisit, Punëve të Brendshme, Arsimit dhe Shëndetësisë. Kërkesat për këto interpelanca janë depozituar nga një grup deputetësh të Partisë Demokratike.
Gjithashtu, do të zhvillohet dhe një interpelancë me ministrin e Infrastrukturës dhe Energjisë, Enea Karakaçi, e kërkuar nga deputeti demokrat Blendi Himçi.
Ndërsa protestuesit kanë lajmëruar sërish protestë jashtë dyerve të godinës, duke kundërshtuar 5 pr.ligjet që pritet të kalojnë.
Pas interpelancave, Kuvendi pritet të shqyrtojë dhe votojë disa projektligje, mes tyre ratifikimin e Konventës për Themelimin e Komisionit Ndërkombëtar të Kërkesave për Ukrainën dhe Konventën Kuadër të Këshillit të Evropës për Inteligjencën Artificiale, të Drejtat e Njeriut, Demokracinë dhe Shtetin e së Drejtës.
Në rendin e ditës është edhe projektligji për ndryshimin e ligjit “Për statusin e gjyqtarëve dhe prokurorëve”, që lidhet me formulën e pagave të magjistratëve./Versus.al
