Një tjetër ekspert i inteligjencës artificiale ka dhënë dorëheqjen, pasi thotë se kjo teknologji mund të bëhet e rrezikshme për njerëzimin. Bëhet fjalë për Bilal Chughtai, ish-kërkues te Google DeepMind. Lajmin e bëri të ditur vetë ai të hënën, përmes një postimi në platformën X.
Chughtai shkroi se ka punuar për sigurinë dhe kontrollin e inteligjencës së përgjithshme artificiale, e njohur si AGI. Sipas tij, IA ka potencialin të vrasë të gjithë njerëzit dhe koha për ta ndaluar këtë rrezik mund të jetë duke mbaruar.
Dorëheqja e tij vjen vetëm pak ditë pas një rasti tjetër. Studiuesi Jacob Coxon, nga kompania Anthropic, u largua nga puna për të njëjtën arsye. Ai tha se njerëzit që po ndërtojnë inteligjencën artificiale besojnë vetë se ajo mund të na zhdukë deri në fund të kësaj dekade.
Edhe shkencëtari Evan Hubinger reagoi pas deklaratës së Coxon. Ai tha se Coxon ka të drejtë dhe se ka më shumë se 10% mundësi që IA të çojë në zhdukjen e njerëzimit brenda 10 viteve të ardhshme.
Shqetësimi për rreziqet e inteligjencës artificiale po rritet gjithnjë e më shumë, ndërsa vetë ekspertët që e ndërtojnë po japin alarmin.
Sondazh
Lexo gjithashtu
