web counter
LEXO PA REKLAMA!

SHKARKO APP

App Store
Google Play

E fundit!

x

Veliaj përdor karrigen e kryebashkiakut si gur shahu, Tirana e bllokuar

16 Shtator 2026, 08:58, Politikë CNA

Veliaj përdor karrigen e kryebashkiakut si gur shahu, Tirana e bllokuar

Nënkryetari i Këshillit Bashkiak të Tiranës, Dorian Teliti, komentoi sot situatën e drejtimit të institucionit, ndërsa kryebashkiaku Erion Veliaj ndodhet në qeli, ku edhe do të vijojë të qëndrojë, pas vendimit të dhënë dje nga Gjykata e Lartë.

Duke folur mbi këtë çështje në “Syri TV”, Teliti tha se Bashkia Tiranë nuk po funksionon normalisht, pasi nuk ka as kryetar në zyrë e as nënkryetar të deleguar.

Sipas tij, Tirana është e bllokuar dhe Veliaj po përpiqet ta menaxhojë nga burgu.

Teliti e cilësoi situatën si absurde, ndërsa u shpreh se Veliaj do të përdorë karrigen e kryetarit të bashkisë si gur shahu për të fituar lirinë.

“Tirana sot s’ka kryetar e nënkryetar të deleguar, s’punojnë institucionet e saj. Tirana bllokohet nga trafiku e kjo shihet nga pasqyra, kur bllokohet në oraret e pikut. Tirana s’po pastrohet e investohet. Në Tiranë ndërtohet shumë e paguhet shumë, kemi kryebashkiakun edhe me vendim të jetë në burg.

Qytetarët e Tiranës e Shqipërisë në vend që pas vendimit të jepte dorëheqjen, por me votat e blera të bandës '5D', bëri ca muaj burg e tani shohin në pasqyrë milionat e vjedhura, sot vijojnë ta menaxhojnë Tiranën. Tirana është e bllokuar dhe Veliaj po përpiqet ta menaxhojë nga burgu.

Tirana s’është as ndonjë bashki e vogël, le ta lëmë Veliajn në Durrës të menaxhojë Durrësin e atë të Durrësit ta sjellim në Tiranë. Është një lojë e përbashkët Rama-Veliaj, situatë absurde. Veliaj si Toto Rina, që ndonëse 20 vite në arrati menaxhonte punët e mafies, Veliaj nga burgu do të menaxhojë punët e bashkisë dhe do të përdorë karrigen e kryetarit të bashkisë si gur shahu për të sfiduar lirinë e hequr për fajin e tij”,-tha Teliti./CNA

 

 




Lajmet e fundit nga