Zv.kryeministri i Kosovës Glauk Konjufca ka folur para shpalljes së aktgjykimit ndaj ish-krerëve të UÇK-së në Hagë.
Konjufca e cilësoi ditën e sotme si “ditën finale” të procesit gjyqësor dhe u shpreh se pret një vendim lirues për Hashim Thaçin, Kadri Veselin, Rexhep Selimin dhe Jakup Krasniqin.
“Sot është dita finale në këtë proces gjyqësor. Sot është i pritshëm një vendim, një aktgjykim lirues për katërshen drejtuese të shtabit të UCK-së.
Lufta jonë ishte një luftë e domosdoshme mbrojtëse, kishte vetëm një qëllim, qëllimin e lirisë së popullit tonë dhe stopimin e gjenocidit të forcave paramilitare serbe”, tha Konjufca.
