Kreu i Nismës Socialdemokrate të Kosovës, Fatmir Limaj e konsideroi “të papranueshëm” aktgjykimin e gjykatës speciale që dënoi me 81 vite burg liderët e UÇK. Ai tha se ky vendim nuk jepet në emrin e popullit të Kosovës, ndërsa bëri thirrje për qetësi dhe bashkim.

“Sot morëm lajme të këqija nga Haga, të papritura, të pamerituara. Sot u shpall aktgjykimi i shkallës së parë për themeluesit e UÇK dhe të shtetit të Kosovës. Ky aktgjykim është i padrejtë, i papranueshëm, jo në emrin e popullit të Kosovës apo në emrin tim. Të mos lejojmë që mërzinë tonë ta keqpërdorë dikush, por le ta kthejmë në forcë e bashkim për të vazhduar betejat e ardhshme deri në fitoren e plotë”- tha Limaj mes të tjerash në reagimin e tij. Versus.al

Djali i Kadri Veselit ka dhënë një prononcim të shkurtër për mediat pasi babai i tij u dënua me 18 vite burg nga Gjykata Speciale.

“Të fortë jemi, të fortë duhet të qëndrojmë”- u shpreh i riu duke shtuar se nuk kishte gjë tjetër për të thënë për momentin. Versus.al

Qindra qytetarë të Kosovës janë nisur sot në këmbë për të shkuar nga Prishtina drejt zyrave të Eluex-it në Fushë Kosovë. Pak më parë, njësitë speciale të policisë së Kosovës shkuan për përforcim tek zyrat e Eluexit në rast trazirash.

"Shqipëria e shqiptarëve, vdekje tradhtarëve" -dëgjojen qytetarët teksa marshojnë drejt zyrave të Eluexit. Pas vendimit për dënimin e liderëve të UÇK, ish-kryeministri Ramush Haradinaj bëri thirrje për qetësi. Versus.al

Gazetari Burat Buzhala ka reaguar në rrjetin e tij social pas dënimit me 81 vite burg për liderët e UÇK duke dhënë edhe një mendim sesi mund të veprohet në vazhdim.

Sipas tij, duhet që Kuvendi i Kosovës të mblidhet me urgjencë dhe të votojë sot zhbërjen e Dhomave të Specializuara të Gjykatës së Hagës. Buzhala thotë se kjo është e vetmja mënyrë për lirimin e liderëve të UÇK-së pasi marrëveshja përmban rregullin se të dënuarit lirohen pasi zhbëhet gjykata.

“Kuvendi i Kosoves duhet sonte me u mbledhe me i zhba Dhomat e Specializume.

Qytetaret nuk duhet me u mbledhe para EULEX'it, as para ambasadave, por para Kuvendit dhe para Qeverise.

Kjo ishte shkalla e pare, kurse Gjykaten e ka marre ne dore Serbia me aleatet e vet.

Nese pritet Apeli, atehere nuk ka kthim prapa. Sonte duhet me e zhba. Neser eshte vone.

Holanda ka marreveshje me Kosoven, ne momenten qe zhbehet Gjykata, Holanda duhet me i leshu, e ka obligim ligjor.

Kete e kerkoi me heret edhe avokati i Thacit. 100 mije veta para Kuvendit te Kosoves”- tha Buzhala. Versus.al

Dënimi me 81 vite burg i katër liderëve të UÇK ka shkaktuar trazira në Hagë ku policia ka ndërhyrë për të ndaluar disa shqiptarë të mbledhur në protestë. Disa prej tyre hipën mbi një furgon policie, ndërsa të tjerë u përplasën me efektivët holandezë në një park pranë gjykatës speciale.

Ish-kryetari i AAK, Ramush Haradinaj bëri thirrje ndaj shqiptarëve të Kosovës që të kujdesen për vendin, ndërsa e quajti të papranueshëm vendimin e Gjykatës Speciale për dënimin e 4 liderëve të UÇK.

“Të dashur shqiptarë kudo që ndodheni. Vendimi me dënim për udhëheqësit e UÇK është i papranueshëm. Ushtria e Kosovës bëri luftë çlirimtare. Kjo betejë duhet të fitohet në shkallën e dytë. Kosovën, ta ruajmë. Për Kosovën dhanë jetën njerëzit më të çmuar të vendit tonë. Nuk kemi atdhe tjetër, nuk kemi vend tjetër. Ju ndihmojmë armiqve nëse e dëmtojmë npronën e Kosovës, jetën e njerëzve tonë. Nëse e shkatërrojmë Kosovën, në çdo mënyrë ju ndihmojmë armiqve”- tha Haradinaj. Versus.al

I tronditur nga vendimi për dënimin me 25 vite burg, vëllai i ish-presidentit Hashim Thaçi shprehu zhgënjimin dhe revoltën ndaj Gjykatës Speciale. 

"Vetëm drejtësi nuk ka këtu. Kjo është një gjykatë kriminale që një shenjë të drejtësisë nuk ka treguar sot"- tha para mediave.