Që prej orës 13:00 është ndërprerë furnizimi me ujë të pijshëm në qytetet Berat dhe Kuçovë, si dhe në fshatrat përreth që furnizohen nga Ujësjellësi i Bogovës.
Sipas burimeve nga sh.a. Ujësjellës-Kanalizime Berat-Kuçovë, shkak i ndërprerjes është bërë çarja e tubacionit qendror të linjës kryesore të Bogovës, në fshatin Kakruk.
Grupet e punës së sh.a. Ujësjellës-Kanalizime Berat-Kuçovë ndodhen në zonën ku ka ndodhur dëmtimi dhe po punojnë për riparimin e defektit dhe rikthimin e furnizimit me ujë në Berat, Kuçovë dhe fshatrat përreth.
Në lidhje me situatën e krijuar, një njoftim është publikuar edhe në faqen zyrtare të Facebook-ut të Bashkisë Berat, ku shpjegohet shkaku i ndërprerjes së furnizimit me ujë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
SYRI TV/ Banorët e Rrushkullit ankohen për rrugën, janë dëmtuar nga projekti kanalizimeve
SYRI TV/ Taksistët, protestë para Bashkisë së Tiranës: Të mos jepen licenca pa limit
Shtrenjtimi i tarifave 'zbraz' bankat e shkollave private, ku po shkojnë nxënësit