E fundit!

17:26 Politikë

EKSKLUZIVE/ Rama drejt Greqisë, ja kush e shoqëron

Kryeministri Edi Rama sot ka zhvilluar një takim në qyteti...

Lista e Argjentinës, Messi ftohet për ndeshjen e veçantë. Mungon Dybala

16 Shtator 2026, 17:41, Sport CNA

Lista e Argjentinës, Messi ftohet për ndeshjen e veçantë.

Argjentina ka bërë publike listën për ndeshjet miqësore, me Lionel Scalonin që ka zgjedhur të kombinojë futbollistët me përvojë me disa prej emrave të rinj që po spikasin në Europë. Në listë ka edhe mungesa të rëndësishme, ndërsa vëmendja kryesore lidhet me situatën e Lionel Messit dhe me ndeshjen që ai pritet të zhvillojë më 6 tetor.

Një nga emrat që nuk është përfshirë në listën e Skalonit është Paulo Dibala. Fantazisti i Romës nuk do të jetë pjesë e përfaqësueses në këtë periudhë dhe do ta kalojë pushimin ndërkombëtar në kryeqytetin italian.

Në të njëjtën kohë, lista vazhdon të ketë një prani të konsiderueshme të futbollistëve që luajnë në Itali. Nga Seria A janë grumbulluar Leonardo Balerdi, Matias Sule dhe Santiago Kastro. Në listë është përfshirë edhe Franko Mastantuono, i cili aktualisht luan te Fiorentina.

Scaloni ka vendosur gjithashtu të përfshijë Niko Pazin. Futbollisti është një prej emrave të rinj që po vlerësohen për të ardhmen e futbollit argjentinas dhe grumbullimi me kombëtaren i jep një tjetër mundësi për të qenë pjesë e grupit.

Në repartin ofensiv janë edhe dy emra të rëndësishëm të futbollit argjentinas në Europë. Lautaro Martinez, sulmuesi i Interit, është pjesë e listës, ndërsa bashkë me të është grumbulluar edhe Niko Gonzalez, i cili luan për Juventusin.

Në listë është edhe Lionel Messi. Kapiteni i Argjentinës do të jetë i disponueshëm për ndeshjen e 6 tetorit ndaj Beninit, e cila do të zhvillohet në stadiumin Monumental. Kjo sfidë do të ketë një rëndësi të veçantë për Mesin, pasi sipas planit aktual do të jetë ndeshja e tij e fundit me fanellën e Argjentinës.

Përballja ndaj Beninit pritet të shoqërohet edhe me praninë e futbollistëve që ishin pjesë e skuadrës që fitoi Kupën e Botës në Katar. Në këtë mënyrë, ndeshja e 6 tetorit do të shërbejë edhe si një moment për të përshëndetur një pjesë të grupit që fitoi trofeun botëror.

Para kësaj sfide, Argjentina do të zhvillojë edhe dy ndeshje të tjera. E para do të luhet më 30 shtator ndaj Bolivisë. Tre ditë më vonë, më 3 tetor, përfaqësuesja argjentinase do të përballet me Burkina Fason. Seria do të mbyllet më 6 tetor ndaj Beninit në Monumental.