Një 52-vjeçar është plagosur me armë zjarri pasditen e sotme në lagjen nr. 1 të Durrësit.
Ngjarja ka ndodhur rreth orës 17:30, ku shtetasi F. F., 61 vjeç, banues në lagjen nr. 1, dyshohet se për motive të dobëta ka plagosur me armë zjarri në dorë shtetasin E. Sh., 52 vjeç, banues në Durrës.
I plagosuri është transportuar për ndihmë mjekësore dhe ndodhet jashtë rrezikut për jetën.
Pas ngjarjes, shërbimet e Policisë kanë shkuar menjëherë në vendngjarje dhe kanë ngritur pika kontrolli në zona të ndryshme, ndërsa vijon kontrolli i territorit me qëllim lokalizimin dhe kapjen e autorit të dyshuar.
Ndërkohë, grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes, si dhe dokumentimin e saj.