Protesta e 109-të në Tiranë është shoqëruar edhe këtë të mërkurë me mesazhe kundër qeverisë dhe kryeministrit Edi Rama.
Pankartat e vendosura nga protestuesit kanë vënë në fokus kryesisht rritjen e kostos së jetesës, duke e lidhur atë me situatën ekonomike dhe politikat e qeverisë.
“Shporta flet më shumë se propaganda”, shkruhet në njërën prej pankartave të shfaqura gjatë protestës.
Mesazhe të tjera kanë qenë të drejtpërdrejta ndaj kryeministrit Rama, ku protestuesit kanë ironizuar deklaratat e tij dhe kanë kërkuar dorëheqjen.
Në një prej pankartave, Rama krahasohet me një “trajner”, ndërsa protestuesit pretendojnë se persona pranë tij ndodhen në burg. Në të njëjtin mesazh, ata kërkojnë largimin e tij nga detyra dhe përmendin SPAK-un.
