E filmuan duke u marrë mijëra euro, noterja dhunon burrin dhe gruan shtatzënë

16 Shtator 2026, 21:32, Denoncim CNA

E filmuan duke u marrë mijëra euro, noterja dhunon burrin dhe gruan

Në emisionin “Stop” edhe këtë të mërkurë, më 16 shtator, vjen sërish një denoncim për noteren Anila Haxhiu në Fier.

Një çift pretendon, se i ka dhënë 3,200 euro për të mundësuar kalimin e pronësisë së një apartamenti në Golem, duke anashkaluar procedurën e rregullt ligjore dhe deklaratën e ish-bashkëshortes, e cila duhej të konfirmonte, se nuk kishte pretendime mbi pronën.

Sipas çiftit, një pjesë e shumës do t’u jepej punonjësve të Kadastrës Fier, ndërsa pjesa tjetër, do të mbahej nga noterja Anila Haxhiu. Çifti pretendon, se u kërkuan edhe 800 euro për procedurë të përshpejtuar, me premtimin, se prona do të kalonte në emër të blerësve brenda ditës.

“Stop” dokumenton momentin e dorëzimit të 3,200 eurove në zyrën e noteres. Por procedura zgjati rreth 3 muaj dhe nuk u realizua. Për këtë arsye, çifti kërkoi kthimin e parave. Përballja në zyrën e Haxhiut u tensionua.

Çifti i përmendi noteres, se momenti i dorëzimit të 3 200 eurove ishte regjistruar, e në këtë moment, Anila Haxhiu shtyu dhe goditi bashkëshortin, e më pas edhe gruan e tij shtatzënë. Çifti thotë, se më pas noterja i mbajti për disa momente mbyllur në zyrë.

Policia shoqëroi çiftin, për të bërë denoncimin, ndërsa noterja Anila Haxhiu nuk u shoqërua dhe qëndroi në zyrë. Pas incidentit, denoncuesit kontaktuan ish-bashkëshorten, e cila jeton jashtë Shqipërisë.

Ajo autorizoi nënën e saj përmes një prokure, që të jepte deklaratën, se nuk kishte pretendime mbi apartamentin në Golem. Pas kësaj, procedura u zgjidh në rrugë ligjore, sërish në zyrën e Haxhiut.

Episodi 1:

Noterja Anila Haxhiu–Hej,o goce, mos më kërcëno mua…!

Denoncuesi-Jo, nuk të kërcënoj, zemra ime! Unë kam bërë kallzim, se këtu brënda zyrës tënde, me ke dhunuar. Kështuqë, do ta shikojmë edhe atë, të gjitha…

Noterja Anila Haxhiu-Mos më kërcëno mua ti! Hajde këtu ti!

Episodi 2.

Denoncuesi– 1,100, 1500, 1900, 3200…

Noterja Anila Haxhiu-Nëmi motrës, t’i numbëroj këtu dhe lavdi t’ja u bëjë Zoti! T’i numëroj pak!

Denoncuesi-Jo numëroji, se tani s’i dihet!

Noterja Anila Haxhiu-26,27,28,29,30,31,32,33,34,35,36,37,38,39,40,41,42,43,44,45,46,47,48,49.50.51.52.53.54.55.56.57,58,59,60…Sa i bie 60-të?

Denoncuesi-60-të, i bie 3000 euro. 6×5 bëjnë 30!

Noterja Anila Haxhiu-Në rregull i ke shpirt.

Episodi 3.

Denoncuesi-Tani kjo, që do firmosi, ku do ta bashkangjiti?

Agjensia Imobiliare-Tek kontrata, që kemi!

Denoncuesi-Tek kjo, që kemi, ku do ta bashkangjisi?

Agjensia Imobiliare-Tek kjo, që kemi!

Denoncuesi-Ok! Hajde…!

Agjensia Imobiliare-Dëgjo! Anila më tha, më mirë të rrish jashtë…!

Denoncuesi-Jo! S’bëhet fjalë!

Noterja Anila Haxhiu-Hajde pak hajde! S’ka kuptim kjo!

Denoncuesi-Si s’ka kuptim, kjo është shtëpia ime!

Noterja Anila Haxhiu– Rri, ulu jashtë!

Denoncuesi-Jo! Fare këtu!

Noterja Anila Haxhiu-O nëne, hajde pak..!

Denoncuesi-Jo, fare! N.q.s s’jam unë këtu, s’ka shans!

Noterja Anila Haxhiu-O motra! Ma jep mua këtu, se të ka autorizuar vajza për të firmosur dicka! Ma jep pak dokumentin! Të shoh cik tagrat, që na ka dhënë prokura. Ulu pak të lutem! Ulu pak!

Denoncuesi-Nuk ulem dot, se jam shtatzënë dhe nuk rri dot ulur!

Noterja Anila Haxhiu-Nuk e di! Urime!

Denoncuesi-Do rri në këmbë, jam në këmbë, s’po të bezdis.

Noterja Anila Haxhiu-Mirë, dakord!

Denoncuesi-S’po bezdis fare njeri, as po të prek me dorë, as po flas, s’po bëj asgjë.

Noterja Anila Haxhiu-Po e paguaj unë taksën, oj goc,e paguaj unë taksën dhe nuk ke asnjë tagër këtu./ Tv Klan