Sulmet ruse në Kiev dhe Odesa, plagosen 18 persona

Sulmet ajrore ruse plagosën 18 persona dhe dëmtuan ndërtesa në kryeqytetin ukrainas të Kievit dhe në qytetin portual të Detit të Zi të Odesës, në orët e para të së enjtes.

Kryebashkiaku i Kievit, Vitali Klitschko tha se 12 persona, përfshirë dy fëmijë, u plagosën në qytet, duke shtuar se përveç apartamenteve dhe ndërtesave të banuara, mbeturinat ranë edhe mbi depot dhe pranë një stacioni benzine, të cilat tani janë një objektiv i shpeshtë sulmesh.

Në Odesa, një fëmijë ishte midis tre të plagosurve kur Rusia goditi një ndërtesë apartamentesh 19-katëshe dhe tre të tjerë u plagosën në Zaporizhzhia në juglindje, ku një sulm me raketa shkaktoi gjithashtu një zjarr në një strukturë industriale.