“Rama me avion special për miratimin e Gjykatës Speciale”/ Zhupa përplaset me socialistët: Jeni krah Vuçiç-it

Deputetja e Partisë Demokratike, Ina Zhupa, u shpreh sot me tone të ashpra në drejtim të mazhorancës, që vendosën sot votimin në Kuvend të rezolutës që dënon gjenocidin serb në Kosovë.

Në fjalën e saj gjatë seancës plenare, Zhupa u shpreh se mazhoranca ka treguar se nuk ngrihet lehtë ndaj një vendimi si ai i dhënë dje nga Gjykata e Hagës për dënimin me 81 vite burg të katër ish-krerëve të UÇK-së.

Ndërkohë, Zhupa u përmendi edhe reagimin e kryeministrit Edi Rama, kur shkoi me avion special për të kërkuar miratimin e Gjykatës Speciale.

“Edi Rama ka shkuar me avion special në Kosovë për të kërkuar që të votoni për Gjykatën Speciale. Ka qenë qëndrimi i Ramës në krah të Vuçiç-it për të ndërtuar Ballkanin e Hapur. Veprimet tuaja kanë treguar dhe kanë vërtetuar shprehjen e Faik Konicës: ‘Armiku më i keq i shqiptarit është vetë shqiptari’. Jeni armiqtë e Shqipërisë nëse nuk ngriheni sot, pas atij vendimi të dënimit, dhe të bashkoheni për një rezolutë. Nuk ka të njëjtën vlerë me një deklaratë të miratuar të Kuvendit. Ju jeni mësuar që t’u bëni dëme shqiptarëve brenda dhe jashtë kufirit, siç silleni sot me gjithë shqiptarët, si pushtues”, tha Zhupa./CNA