Supë me lëng kockash dhe perime, për ditët e vjeshtës nga shefja e kuzhinës Albana Mançja
Kjo supë me lëng kockash dhe perime është një zgjedhje e ngrohtë dhe plot shije, ideale për një vakt të lehtë e ushqyes. Përgatitet thjesht me perime të freskëta dhe lëng kockash, duke u pasuruar në fund me pak majdanoz ose kopër.
Përbërësit:
– 1 litër lëng kockash
– 1 karotë, e prerë në kubikë
– 1 patate, e prerë në kubikë
– 1 patëllxhan, i prerë në kubikë
– 1 qepë, e grirë hollë
– 1 filxhan çaji spinaq, i prerë
– 1 filxhan çaji bizele
– 1 spec i kuq, i prerë në kubikë
– 2–3 lugë gjelle vaj ulliri
– Kripë dhe piper sipas shijes
– Pak majdanoz ose kopër të grirë për në fund (opsionale)
Përgatitja:
Ngrohni vajin dhe kaurdisni qepën derisa të zbutet.
Shtoni karotën, pataten, specin e kuq dhe patëllxhanin. Kaurdisini për 5–6 minuta.
Hidhni lëngun e kockave dhe lëreni të vlojë. Ulni zjarrin dhe ziejeni për rreth 20 minuta, derisa perimet të zbuten.
Shtoni bizelet dhe spinaqin dhe ziejini edhe për 5 minuta të tjera.
Rregulloni shijen me kripë dhe piper. Në fund, nëse dëshironi, shtoni majdanoz ose kopër të grirë.
Shërbejeni të nxehtë, me pak lëng limoni ose me një fetë bukë të thekur.
