Protesta e qytetarëve jashtë Parlamenti është përshkallëzuar, ku protestuesit kanë goditur me vezë efektivët e po...
AKTUALITET
Grabitën me dhunë dy pika karburanti në Bulqizë, në kërkim dy autorët
PiranjatPërditësimi i fundit 17 Shtator 2026, 13:32
Dy pika karburanti janë vjedhur me dhunë gjatë mbrëmjes së djeshme në Bulqizë. Sipas raportimit të policisë, ngjarja ka ndodhur rreth orës 00:54, ku punonjësve të dy pikave të karburantit u janë marrë rreth 18.300 dhe 38.600 lekë.
Ndërkohë, bëhet e ditur se njëri prej autorëve është identifikuar si A. H., 32 vjeç, ndërkohë që është shpallur në kërkim së bashku me bashkëpunëtorin tjetër, ky i fundit ende i paidentifikuar.
Gjithashtu, nga kërkimet në zonë, janë gjetur dhe sekuestruar në cilësinë e provës materiale një automjet tip “Toyota”, pa targa, si dhe një motomjet, ku dyshohet se janë përdorur nga autorët gjatë kryerjes së vjedhjeve.
Menjëherë pas marrjes së njoftimit, shërbimet e Komisariatit të Policisë Bulqizë, në bashkëpunim me strukturat e DVP Dibër, organizuan punën dhe kryen veprime të shpejta hetimore, duke bërë të mundur identifikimin e njërit prej autorëve të dyshuar.
Si rezultat, u shpall në kërkim shtetasi A. H., 32 vjeç, banues në Bulqizë, i cili dyshohet se, në bashkëpunim me një person tjetër ende të paidentifikuar, rreth orës 00:54, ka shkuar në dy pika karburanti, në Bulqizë dhe Fushë-Bulqizë, ku u kanë vjedhur me dhunë punonjësve të këtyre pikave xhiron ditore (18.300 dhe 38.600 lekë).
Në vijim të veprimeve dhe kontrolleve të kryera në zonë, shërbimet e Policisë gjetën dhe sekuestruan automjetin tip “Toyota”, pa targa, si dhe një motomjet, të dyshuar se janë përdorur nga autorët gjatë kryerjes së vjedhjeve.
Vijon puna për kapjen e shtetasit të shpallur në kërkim dhe identifikimin e personit tjetër të përfshirë në ngjarje.
Materialet procedurale iu referuan Prokurorisë pranë Gjykatës së Juridiksionit të Përgjithshëm Dibër, për veprime të mëtejshme.
