Autor i 16 vjedhjeve, arrestohet 34-vjeçari në Tiranë

Policia e Tiranës ka vënë në pranga një 34-vjeçar, autor të 16 vjedhjeve në kryeqytet, gjatë muajve gusht dhe shtator.

I arrestuari ishte me masë sigurie “Arrest në shtëpi”, për të njëjtin krim.

Në kuadër të operacionit “Broken Door”, në pranga ka rënë shtetasi E. Gj., 34 vjeç.

Dyshohet se i ndaluari, gjatë periudhës gusht-shtator 2026, ka vjedhur me thyerje, shuma parash dhe produkte, në 8 lokale në territorin në juridiksionin e Komisariatit Nr. 2, në 4 lokale në territorin në juridiksionin e Komisariatit Nr. 3, në 2 lokale në territorin në juridiksionin e Komisariatit Nr. 1 dhe në 2 lokale në territorin në juridiksionin e Komisariatit Nr. 4.

Hetimet vijojnë për të zbardhur dhe dokumentuar plotësisht, veprimtarinë kriminale të shtetasit E. Gj., në fushën e vjedhjeve.