Kryetari i PD, Sali Berisha nga foltorja e Kuvendit ka paralajmëruar ‘grabitjen’ e aeroportit të Vlorës nga izraeliti Roni Yeffet.

Gjatë fjalës së tij për procedurë, Berisha tha se ishte Londra zyrtare që sipas tij, bllokoi qeverinë shqiptare për aeroportin e Vlorës, duke bërë me dije gjithashtu faturën në arbitrazh.

‘Ky ministër duhet të quhet Roni. Prit se paguajmë 600 milionë euro ne...’, paralajmëroi kryedemokrati.

Tani zoti kryetar, problemet e mëdha ky parlament i shmang, ndaj dhe urrejtja e qytetarëve është e pafundme ndaj parlamentit. Me shumë të drejtë.

Cili kryeministër në Europë dhe në botë nuk do jepte dorëheqjen në qoftë se do i dilte skandali në të cilin ky kryeministër jep paratë e buxhetit një kompanie që blen makina dhe këto makina ia shet po shtetit!

A mund të ndodhë kund, më thoni ju mua?

Dhe ky kryeministër përdor këtë kompani...

A e dini, ua them unë, dje Londra e bllokoi qeverinë për aeroportin e Vlorës.

Kush e merr aeroportin?

KAYO dhe Roni Yeffet.

Ky ministër duhet të quhet Roni. Prit se paguajmë 600 milionë euro ne...