Kryetari i PD-së Sali Berisha në një deklaratë për mediat jashtë Kuvendit komentoi edhe çështjen e Ballukut, së...
BOTA
Carney në Parlamentin Evropian: Kanadaja gati të bëhet anëtare e asociuar e BE-së
PiranjatPërditësimi i fundit 17 Shtator 2026, 15:29
Kryeministri kanadez Mark Carney ka folur sot në Parlamentin Evropian, duke e mbajtur hapjen në gjuhën frënge dhe duke falënderuar eurodeputetët për mundësinë që iu dha për t’iu drejtuar institucionit.
“Evropa dhe Kanadaja janë më të forta së bashku”, thotë ai në fjalimin e tij para Parlamentit të BE-së.
Gjithashtu Carney tha se do të fokusohej te mënyra se si Kanadaja dhe Bashkimi Evropian duhet t’i përgjigjen “përçarjes aktuale gjeopolitike”, duke theksuar nevojën për një “dimension të ri” në marrëdhëniet mes tyre.
Kryeministri kanadez nënvizoi lidhjet historike mes Kanadasë dhe Evropës, të cilat, sipas tij, janë “thellësisht të rrënjosura” në historinë e të dyja palëve.
Ai përmendi shkëmbimet që kanë ndodhur për shekuj përtej Atlantikut, duke përfshirë farat, vlerat, idetë dhe tregtinë, shkruan BBC.
Carney theksoi gjithashtu se Kanadaja dhe BE-ja “nuk janë aleatë të motit të mirë”, por ndajnë një “përkushtim të palëkundur” ndaj sundimit të ligjit, dinjitetit njerëzor, lirisë individuale dhe demokracisë.
Carney thotë se Kanadaja dhe BE-ja mund të formojnë një tendë mbrojtëse nën të cilën qytetarët e tyre mund të lulëzojnë.Mark Carney në fjalën e tij iu referua një fjalimi të Presidentes së Komisionit Evropian, Ursula von der Leyen, e cila i hapi derën Kanadasë për t’u bërë “anëtarja e parë e asociuar” e Bashkimit Evropian.
Në përgjigjen e tij, ai thotë se “Kanadaja e mirëpret këtë ambicie. Një aleancë për të ardhmen është një qasje unike dhe pozitive që do ta përcaktojmë së bashku.”
