Vendimi i Hagës nxit protesta dhe reagime në Kosovë/ PDK mbledh Kryesinë, familjarët: Gjykatë kriminale, presim pafajësi në Apel
Haga dënoi me 81 vite burg në total ish-krerët e UÇK-së/ Studentët në Prishtinë nisin p...
Haga dënoi me 81 vite burg në total ish-krerët e UÇK-së/ Studentët në Prishtinë nisin p...
Pagat e magjistratëve/ Bardhi: Nuk mund të tallemi me pagat e prokurorëve dhe gjyqtarëve, tërhiqeni ligjin 17 Sht...
VIDEO/ Protesta para Kuvendit, polica bllokon me gardh metalik zonën 17 Shtator, 09:17 Përshkallëzohet sit...
Protesta në Tiranë/ Nis marshimi drejt godinës së Kryeministrisë 16 Shtator, 19:17 Dënimi i ish-...
Sevdije Krasniqi thotë se familja do të vijojë të presë procesin e Apelit dhe kërkon lirimin e të dënuarve.
KOSOVË- Pas vendimit të Hagës për ish-krerët e UÇK-së, bashkëshortja e Jakup Krasniqit, Sevdije Krasniqi, thotë se familja kishte shpresuar deri në fund për një vendim pafajësie.
“Ne kishim shpresë se do të shpalleshin të gjithë të pafajshëm. Vendimin e kemi pritur në shtëpi. Momenti i vendimit ishte shokues, nuk e prisnim. Kush janë ata 4 persona që po dënohen? Ata janë krerët e UÇK-së. Historia nuk do të helmohet nga asnjë vendim. UÇK-ja ka luftuar për liri. Ky vendim as nuk ndikon dhe as nuk duhet të ndikojë në jetën e Kosovës”, tha ajo në një intervistë me gazetaren e Top Channel Kristi Gongo.
Sevdije Krasniqi thotë se familja do të vijojë të presë procesin e Apelit dhe kërkon lirimin e të dënuarve.
“Ne kërkojmë lirimin e tyre, do të presim Apelin. Besoj se tani do të bazohen në fakte. Tani dihet që ndërmarrja e përbashkët kriminale është udhëheqja e Serbisë bashkë me gjyqtarët e Gjykatës Speciale që dhanë këtë vendim”, u shpreh ajo.
Duke folur për marrëdhënien me Jakup Krasniqin, ajo tregon edhe si u njohën dhe si nisi historia e tyre e dashurisë.
“Ma propozoi një shoqe e ime dhe më tha: ‘Ia vlen ta presësh profesor Jakupin’. Unë e prita dhe, pasi doli, ne u bëmë bashkë. I kam thënë Jakupit që nuk të kam ardhur në burg atëherë, por në Hagë do të të vij çdo muaj…”, tregon ajo.
Për bashkëshorten e tij, më e vështira ka qenë mungesa e Jakup Krasniqit në momentet e rëndësishme familjare.
“E kam përjetuar shumë rëndë kur kemi pasur gëzime në shtëpi, që ai nuk ka mundur t’i përjetojë”, shprehet ajo.
Sevdije Krasniqi tregon se familja e priste kthimin e tij dhe se bashkë kishin bërë plane për jetën pas Hagës.
“Ne e prisnim në shtëpi, kishim bërë plane. Madje, me Jakupin kishim thënë që do të iknim të dy të jetonim në një shtëpi në fshat”, pohoi e shoqja e ish-kreut të UÇk-së.
Ajo tregon se Jakup Krasniqi kishte shprehur dyshime për procesin, duke iu referuar mënyrës së arrestimit të tij.
“Duke parë si rrodhën gjërat, tha: ‘Nuk besoj shumë, sepse është gjykatë raciste’, nga mënyra si na kanë arrestuar, kur vetë ai ka mundur të dorëzohet. Pra, një arrestim si në kohën e ish-Jugosllavisë, madje edhe më rëndë”, tha ajo.
Pas vendimit, familja kërkon që të shfrytëzohen të gjitha mundësitë ligjore dhe shpreson te Apeli.
“Ne kërkojmë që të përdoren të gjitha mjetet ligjore për zhbërjen e kësaj gjykate. Ne po shpresojmë në Apel. Kjo gjykatë nuk duhet të ketë më të drejtë të merret me luftëtarët tanë. Ne kemi përballuar gjenocid”, u shpreh ajo.
Në fund, Sevdije Krasniqi tregon edhe mesazhin që i përcjell bashkëshortit të saj në këtë periudhë të vështirë.
“Unë Jakupit i them të qëndrojë i fortë, ashtu siç ai është”, tha ajo./Top Channel
Pamje nga marshimi TIRANË- Protesta qytetare në Tiranë ka shënuar ditën e sotme, 110 ditë revoltë kundër klasë...
Pamje nga protestat në Tiranë TIRANË- Protestuesit janë mbledhur sot në ditën e 110-të të protestës p&eum...
Enea Karakaçi ELBASAN- Ministri i Infrastrukturës Enea Karakaçi, ka bërë me dije se financimi për ndërtimin e bypass...
Alket Rizai GREQI- Autoritetet greke vijojnë prej katër ditësh kërkimet për Alket Rizain, i cili nuk u rikthye në burgun...
pamjet TIRANË- Të paktën 25 persona janë shoqëruar nga policia në Komisariatin Nr. 1 në Tiranë, pas protestës ...
Merita Gremaj, Bledar Bakajn, Zegjine Çaushi TIRANË- 34-vjeçarja, Merita Gremaj ka hedhur poshtë deklaratën e deputetes ...
foto ilustruese TIRANË- Shoqata Evropiane e Gjyqtarëve (EAJ) ka reaguar lidhur me debatet për pagat e gjyqtarëve, duke shprehur shqet&e...
TIRANË- Pas vendimit të Gjykatës Speciale në Hagë ndaj ish-krerëve të UÇK-së, Richard Grenell ka reaguar në...
pamjet SHBA- Shqiptarët kanë protestuar edhe në SHBA, pasi Gjykata Speciale në Hagë dënoi me 81 vite burg katër ish...
Flamuj të UÇK-së në Marshin për Liri, që u organizua në Prishtinë më 12 shtator, katër ditë para shpa...
