Richard Grenell, ish-emisari i dërguar nga Presidenti Donald Trump për dialogun Kosovë-Serbi, në mandatin e tij të parë në krye të Amerikës, është shprehur sonte se Kosova nuk ka nevojë për një gjykatë në Holandë që të vendosë për të dhe popullin e saj.
Në një intervistë këtë mbrëmje për Top Story, duke folur për vendimin e dhënë në Hagë për ish-liderët e UÇK-së, ambasadori Richard Grenell u shpreh se problemi është që të mos përdoren gjykata që marrin vendime të ndikuara politikisht.
“Kosova dhe gjykatat e Kosovës duhet të vendosin për të ardhmen e Kosovës dhe për çështjet që janë të rëndësishme. Nuk kemi nevojë për një gjykatë në Holandë që të marrë vendime për Kosovën. Ti shikon që jepet një gjykim i tillë dhe ti mendon se është i ndikuar politikisht.
Mendoj se SHBA-ja do të bëjë atë që është në interesin më të mirë të SHBA-së dhe Kosova duhet të bëjë të njëjtën gjë, të veprojë në interesin e saj, të veprojë në emër të Kosovës dhe jo të lejojë që një gjykatë ndërkombëtare të vendosë për të, por ta përballojë vetë këtë situatë.
Nuk mendoj se SHBA-ja, Trumpi apo këto probleme të jashtme do të kenë të bëjnë me këtë gjë.
Mendoj se problemi është që të mos përdoren gjykata që marrin vendime të ndikuara politikisht. Duhet ta vendosë kryeministri dhe Parlamenti se cili do të jetë hapi. Mendoj se gjykatat e Kosovës duhet t’i vendosin vetë këto çështje”, u shpreh Richard Grenell.
Sondazh
Lexo gjithashtu
