‘Djali i Pankartës’, Ani Marku tregon detaje nga shoqërimi: Pankarta simbol kombëtar, ofenduese si e hodhën

I njohur tashmë nga qytetarët si ‘Djali i Pankartës’, Ani Marku ka dhënë detaje nga shoqërimi i tij në komisariat, pas protestës në Kuvend.

I ftuar në emisionin ‘Kafe Shqeto’, në Syri Tv, Ani Marku tregoi se sa ofenduese ishte të shihje pankartën që e ka mbajtur që në ditët e para të revolucionit, teksa hidhej në tokë nga forcat policore.

Ai e konsideron pankartën një simbol kombëtar, me vlera për të, pasi përmes saj ka gjetur mënyrë të shprehë indinjatën kundër asaj që po ndodh në Shqipëri.

Ishte i paqartë shoqërimi im, në komisariat shkoi mirë, u bënë procedurat. Pankarta ka një simbol kombëtar dhe mënyra si e hodhën është ofenduese. Policia të mos e bëjë më këtë lloj veprimi.

Pankarta ka qenë proces, mora pjesë protestë, duke parë edhe zhvillimin e protestës zërin tim ta ngre përmes pankartës. Pastaj e gjeti vendin e saj gradualisht.

Protesta deri tani duhet të kishte reaguar, edhe Rama duhet të kishte reaguar. Fakti që Rama është insistues përt ë mos e lëshuar, protesta do vijojë deri në qëllimin e saj.

Suksesi mund të jetë shpejt ose pas disa ditësh. Hera e parë që angazhohem, s’jam në asnjë angazhim politik dhe është moment historik për kontribut në të ardhmen tonë.