Të hënën e 21 shtatorit Apeli i Posaçëm shqyrton ankimin e Ergys Agasit dhe Ulian Shpatarakut për masën e sigurisë arrest në burg.
Burime bëjnë me dije se shorti ka caktuar gjyqtarin Florian Kalaja si trupa që do marrë vendimin.
Ndaj Agasit u rikonfimua masa e arrestit në burg nga Shkalla e Parë më 28 gusht të këtij viti, pas arrestimit të tij në Plepa të Durrësit brenda një automjeti që drejtohej nga ish-zyrtari i policisë Ulian Shpataraku.
Ky i fundit akuzohet për përkrahje të autorit të krimit, pasi shoqëronte një të shumë kërkuar të drejtësisë si Ergys Agasi, ku akuzohet mes të tjerave për grup të strukturuar kriminal që lidhen me hetimin e AKSHI-t.
Shpataraku mbahet në paraburgimin e Peqinit, ndërsa Agasi në paraburgimin e Bradasheshit, ku së fundmi ishte dhe subjekt i kontrolleve në sektorin ku qëndron.
