Një 25-vjeçar është dëmtuar në kokë pasi dyshohet se është rrëzuar aksidentalisht në një lokal në qytetin e Shkodrës.
Ngjarja ka ndodhur rreth orës 12:00. Pas marrjes së ndihmës së parë në Spitalin Rajonal të Shkodrës, i riu është transportuar me helikopter drejt Spitalit të Traumës në Tiranë, ku ndodhet nën kujdesin e mjekëve.
“Rreth orës 12:00, shtetasi M. Ll., 25 vjeç, banues në Shkodër, dyshohet se aksidentalisht ka rrëshqitur në një lokal në qytetin e Shkodrës dhe për pasojë është dëmtuar në kokë. Pas ndihmës së parë mjekësore në Spitalin Rajonal Shkodër, ai u transportua me helikopter në Spitalin e Traumës, Tiranë, ku ndodhet në kujdesin e mjekëve. Grupi hetimor po punon për zbardhjen e rrethanave të rastit”,- njoftoi Policia.
Grupi hetimor po punon për të zbardhur rrethanat e ngjarjes.
