“Vendim tronditës”/ Avokati i Jakup Krasniqit: Dënimi i tij lidhet me postin politik

Avokati i Jakup Krasniqit, Mentor Beqiri në një intervistë për Klan News ka komentuar dënimin e dhënë për ish krerët e UÇK-së.

Avokati tha se vendimi ishte i papritur dhe tronditës dhe nuk përputhet me provat materiale të përfshira në dosjen e çështjes, dëshmitë e dhëna në sallën e gjyqit dhe, sipas tij, me atë që realisht ka ndodhur gjatë viteve 1998-1999.

Avokati pretendoi gjithashtu se trupi gjykues ka konstatuar se Krasniqi nuk ka qenë i përfshirë në veprime që mund ta inkriminonin atë.

Sipas tij, dënimi ndaj Krasniqit lidhet me postin politik që ai ka mbajtur, duke e cilësuar një gjë të tillë si të papranueshme.

“Verdikti i datës 16 shtatorit ishte sa i papritur dhe aq tronditës për shkak se sipas parashtrimeve tona, i njëjti vendim nuk pasqyron provat materiale që gjenden në shkresat e kësaj lëndë, i njëjti vendim nuk pasqyron dëshmitë e dhënë nga ana  e dëshmorëve të dhënë në sallën e gjyqit. I njëjti vendim nuk pasqyron realitetin apo gjendjen faktike se çfarë ka ndodhur gjatë viteve 1998-1999. Trupi gjykues konstatoi se nuk ka qenë i përfshirë në asnjë veprime që mund ta inkriminonte atë. Janë dënuar për shkak të posteve politike që kanë pasur dhe kjo është e papranueshme. Mbrojtja ka pasur qasje në të gjitha provat në këtë procedurë. Më përgjegjësi të plotë themi se Jakup Krasniqi nuk ka qenë i përfshirë në mënyrë direkt apo indirekt në asnjë nga ato veprime, për të cilat tha Gjykata”, tha ai.