Askush si Harry Kane! Rekord historik në Bundesligë

Harry Kane është bërë lojtari që ka arritur më shpejt në kuotën e 100 golave në Bundesligë. Sulmuesi anglez e realizoi këtë shifër në vetëm 98 ndeshje me Bayern Munich.

Goli i 100-të erdhi në ndeshjen e fundit të Bayern-it në “Allianz Arena” ndaj Union Berlinit. Kane theu rekordin e mëparshëm të Dieter Muller, i cili kishte nevojë për 129 ndeshje me Koln për të shënuar 100 gola.

Në sezonin e parë në Bundesligë, anglezi realizoi 36 gola, ndërsa në sezonin 2024-2025 shënoi 26 dhe sezonin e kaluar 25.

Kane është gjithashtu golashënuesi më i mirë i të gjitha kohërave i Anglisë, me 70 gola për kombëtaren. Bayern-i e ka përshëndetur këtë arritje të sulmuesit përmes publikimeve në rrjetet sociale.