Lista e mungesave/ Nga Asani te Broja e Bajrami, Maran me vendime të rëndësishme në Kombëtare

Kombëtarja shqiptare do të luajë katër ndeshje në dy javët e ardhshme në Ligën e Kombeve, ndërsa trajneri Rolando Maran ka grumbulluar 29 futbollistë.

Në listë mungojnë disa prej emrave të zakonshëm të përfaqësueses, për arsye dëmtimesh dhe zgjedhjesh teknike. Për shkak të dëmtimeve nuk janë ftuar Thomas Strakosha, Arlind Ajeti dhe Medon Berisha.

Jashtë listës për zgjedhje teknike kanë mbetur Enea Mihaj, Bujar Pllana, Nazmi Gripshi, Nedim Bajrami, Jasir Asani, Armando Broja, Arbnor Muja dhe Stiven Shpendi.

Ky i fundit po aktivizohet rregullisht dhe është në formë të mirë me Empolin në Serinë B, por sërish nuk ka marrë ftesë. Bajrami dhe Asani janë dy prej emrave që spikasin më shumë mes mungesave, pasi ishin protagonistë të kualifikimit të Shqipërisë në EURO 2024.

Ndërkohë, Arda Kurtulan dhe Nelson Weiper mbeten jashtë, pasi ende nuk kanë vendosur përfundimisht se cilin shtet do të përfaqësojnë.

LISTA E MUNGESAVE

Thomas Strakosha

Arlind Ajeti

Bujar Pllana

Enea Mihaj

Arda Kurtulan

Nazmi Gripshi

Medon Berisha

Nedim Barjami

Jasir Asani

Armando Broja

Stiven Shpendi

Arbnor Muja

Nelson Weiper