Jo vetëm analfabet dhe injorant, zbulohet deputeti memec i Korçës

CNA ka mundur të marrë nga faqja e Kuvendit, monitorimin e bërë për një vit, pra nga viti 2025-2026, një vit i plotë parlamentar nga konstituimi pas zgjedhjeve të vitit të kaluar, statistikat me kohën e folësve në seancat parlamentare. (SHIKO KETU)

CNA shpesh ka shkruar për deputetin analfabet të Korçës të mbështetur nga krimi dhe nga droga, që në emër të militantizmit apo lidhjeve me PD-në, në mënyrë krejt turpëruese është deputet i Parlamentit, është turp që Korça të ketë një deputet të tillë si Fidel Kreka.

Problemi nuk është vetëm tek analfabetizmi apo te mungesa e shkollimit të tij, pa thënë se ka ngelur në shkollë që në klasë të katërt dhe sot është me diplomë universiteti pa e ditur kush kanë qenë profesorët e tij.

Fakti që sjellim sot, sipas kësaj liste që ne kemi siguruar, është se deputeti Fidel Kreka rezulton të mos ketë folur asnjë fjalë në Parlament.

Pra, kemi një deputet, i cili pretendon se është përfaqësuesi i popullit, i militantëve dhe i demokratëve, shkon në Parlament dhe nuk flet asnjë fjalë.

Ndërkohë për një vit është paguar rreth 50 milionë lekë nga taksat e shqiptarëve dhe qytetarëve të Korçës.

Korça, shqiptarët, kanë paguar 50 milionë lekë një deputet injorant të mbështetur nga droga dhe krimi që është dhe memec, përtej analfabetizmit dhe injorancës së tij.

Është memec. E tregon koha në Kuvend. Ka zero minuta, zero kohë të folur në Parlament.

Pra, ky deputeti famoz i mbështetur nga militantët dhe njerëzit e PD-së rezulton të mos ketë denoncuar asnjë çështje në Parlament, të mos ketë thënë asnjë fjalë kundër qeverisë, të mos ketë thënë asnjë fjalë për hallet e qytetarëve të Korçës, të mos ketë thënë asnjë fjalë kundër ndonjë ministri të Edi Ramës, të mos ketë thënë asnjë fjalë kundër Edi Ramës, të mos ketë thënë asnjë fjalë kundër Niko Peleshit dhe deputetëve të PS-së.

Fidel Kreka është një kloun në Parlament, i paaftë, analfabet injorant. Tani rezulton dhe memec. Ndoshta i kemi kushtuar më shumë rëndësi sesa duhet këtij individi që nuk ka asnjë peshë dhe vlerë.

Atë nuk e njihte askush në Shqipëri deri në momentin që ne raportuam.

Por, përtej gjithçkaje, CNA për ata që duan të kuptojnë, do të tregojë se PD dhe opozita kanë pjesë të saj edhe të tilla turpe siç është ky individ që nuk mund të përfaqësojë kurrsesi Korçën, nuk mund të përfaqësojë kurrsesi qytetarinë dhe vlerat e Korçës.

Ndaj dhe PD, ende sa nuk është vonë, duhet të reflektojë, të korrigjohet, të shpëtojë nga analfabetët e çuar në Parlament me mbështetjen e krimit e drogës dhe të shpëtojë nga këta memecë që në emër të militantizmit ngrenë flamurin duke thënë se po bëjnë një “luftë të madhe” kundër qeverisë, kur në fakt s’kanë thënë asnjë fjalë kundër, asnjë denoncim kundër qeverisë, asnjë fjalë për hallet dhe problematikat e qytetarëve të Korçës.

CNA gjithashtu do të sjellë edhe emra të tjerë të deputetëve që rezultojnë në listën e deputetëve memecë të Kuvendit./ CNA