Sulmet nga Huthi-t/ Ministri turk: Arabia Saudite nuk mund të bëhet pjesë e luftës SHBA-Iran

Ministri i Jashtëm i Turqisë, Hakan Fidan tha të martën se Arabia Saudite mund të ketë disa nevoja ushtarake për shkak të sulmeve të vazhdueshme nga rebelët Huthi të Jemenit.

Fidan theksoi se Ankaraja do të shqyrtojë nevojat e Riadit brenda kuadrit të marrëveshjes trepalëshe të mbrojtjes qëtë dy vendet kanë nënshkruar së bashku me Pakistanin.

Në një intervistë mediatike, ministri turk tha se është e papranueshme që Arabia Saudite të bëhet pjesë e luftës SHBA-Iran, pasi mbretëria sunite nuk dëshiron të hyjë në këtë konflikt dhe shtoi se disa propozime u janë dërguar të gjitha palëve për t'i dhënë fund armiqësive.

Muajin e kaluar, Arabia Saudite, Turqia dhe Pakistani nënshkruan një marrëveshje mbrojtjeje të ndërsjellë, të ashtuquajturën Marrëveshja e Mekës, e cila i angazhon të tre vendet për mbrojtje të ndërsjellë në rast të një sulmi ndaj njërit prej tyre.

Dje, zëdhënësi i forcave të armatosura pakistaneze tha se Islamabadi do ta mbrojë aleatin e saj, Arabinë Saudite, "deri në fund", ndërsa mbretëria përballet me sulme në rritje nga rebelët Huthi të Jemenit, të cilët janë të afërt me Iranin. /CNA