Jeshilja e ullirit/ Si ta kombinoni ngjyrën elegante që po "pushton" vitin

Jeshilja e ullirit po rikthehet fuqishëm dhe premton të bëhet ngjyra e re neutrale e sezonit.

Nëse po kërkoni një mënyrë për të përmirësuar gardërobën tuaj pa e tepruar, kjo nuancë është përgjigjja.

Ndryshe nga ngjyrat e e tjera të stinës, ajo ofron një mundësi më të sofistikuar që mund të vishet lehtësisht nga mëngjesi në darkë. I përshtatet të gjitha toneve të lëkurës dhe kombinohet pa mundim me ngjyrat neutrale, si dhe me ngjyrat më të gjalla.

Kombinimet më të mira të ngjyrave:

Jeshilja ulliri është jashtëzakonisht e gjithanshme dhe mund të kombinohet me të bardhën për një efekt të pastër dhe të freskët.

Me bezhë dhe kafe për një estetikë që i afrohet ngjyrave të tokës.

Me të zezë për një kontrast më intensiv.

Me rozë, koral ose të kuqe për një stil më të gjallë.

Me vishnje për një efekt më "verbues".

Me vjollcë për një kontrast intensiv mode.

Në këshillat e stilimit, mund të nxirrni në pah jeshiljen ulliri duke shtuar bizhuteri ari që theksojnë anën e ngrohtë të ngjyrës, ndërsa nëse e kombinoni me pëlhura natyrale si liri dhe pambuku do të arrini një rezultat më të lehtë dhe elegant. Mos hezitoni të luani me ngjyrat, duke krijuar pamje më interesante dhe shumëdimensionale./CNA