Zbardhen detaje të reja nga atentati në Sarandë

Policia e Sarandës ka ndarë të dhëna lidhur me atentatin e shënuar sot në Sarandë. 

Mësohet se rreth orës 09:55, te ish-Agjencia, në rrethana ende të paqarta, është vrarë me armë zjarri shtetasi Artan Murtja, rreth 44 vjeç, si dhe ka mbetur i plagosur shtetasi Xhevdet Skëndaj, rreth 73 vjeç, kalimtar i rastit, i cili është transportuar në spital për ndihmë mjekësore.

Shërbimet e Policisë janë vënë në ndjekje të autorëve. Janë ngritur pika kontrolli në drejtim të Vlorës dhe të Gjirokastrës.

Në vendngjarje ka shkuar grupi hetimor dhe, nën drejtimin e Prokurorisë, vijon puna për sqarimin e rrethanave, administrimin e çdo prove që i shërben hetimit, me qëllim identifikimin dhe kapjen e autorëve./CNA