Në një postim në rrjete sociale, deputeti i Partisë Demokratike, Klevis Balliu ka reaguar pas vrasjes me armë zjarri në Sarandë, duke e lidhur ngjarjen me situatën e sigurisë në vend dhe me përgjegjësinë politike të qeverisë.
Balliu deklaron se “krimi ka dalë jashtë kontrollit” dhe akuzon kryeministrin Edi Rama se ka lidhje me krimin dhe se policia është kthyer në një strukturë në shërbim të pushtetit dhe jo të qytetarëve.
Deputeti i PD-së shprehet se ndërrimi i ministrave dhe drejtuesve të policisë nuk e ndryshon situatën, pasi “problemi është Edi Rama”, ndërsa e mbyll reagimin duke kërkuar përgjegjësi politike për gjendjen e sigurisë në vend.
Postimi i plotë:
KRIMI KA DALË JASHTË KONTROLLIT. RAMA ËSHTË PROBLEMI!
Vrasje me armë në Sarandë. Një tjetër jetë e humbur, një tjetër dëshmi se në Shqipëri qytetari nuk është i sigurt askund.
Ne e kemi denoncuar dhe faktuar prej vitesh lidhjen e Edi Ramës me krimin, interesat e përbashkëta elektorale dhe monetare.
Ndërrohen ministrat, ndërrohen drejtorët, por asgjë nuk ndryshon. Sepse problemi nuk është ministri
Problemi është Edi Rama, që e ka kthyer policinë në shërbim të pushtetit dhe jo të shtetit e qytetarëve.
Krimi është kudo, shteti mungon dhe përgjegjësia ka një emër: Edi Rama.
