E rëndë në Dibër/ 31-vjeçari mbytet në lumin Drini i Zi teksa po peshkonte

Një ngjarje e rëndë ka ndodhur ditën e sotme pranë Njësisë Administrative Arras në Dibër. Sipas raportimeve, një 31-vjeçar është mbytur në lumin Drini i Zi.

Ngjarja dyshohet se ka ndodhur teksa viktima shtetasi E.K., po peshkonte në lumë dhe ka rënë në kontakt me rrymën elektrike. Si pasojë, ka humbur jetën.

Në njoftimin e policisë thuhet se trupi i 31-vjeçarit, po transportohet për kryerjen e ekspertizës mjeko-ligjore. Bëhet me dije se grupi hetimor ka nisur punën për të sqaruar shkaqet dhe rrethanat e plota të ngjarjes së rëndë.

Njoftimi i policisë:

Dibër/Informacion paraprak

Në fshatin Sinë, Njësia Administrative Arras, Bashkia Dibër, shtetasi E. K., 31 vjeç, dyshohet se duke peshkuar në lumin Drini i Zi, ka rënë në kontakt me rrymën elektrike dhe për pasojë, ka humbur jetën.

Trupi i pajetë i 31-vjeçarit, po transportohet për kryerjen e ekspertizës mjeko-ligjore.

Grupi hetimor ndodhet në vendngjarje dhe vijon punën për dokumentimin dhe sqarimin e plotë të rrethanave të ngjarjes. /CNA