Irani mbyll qendrën e gjuhës frënge në Teheran, akuza për aktivitete të paligjshme

Autoritetet iraniane kanë mbyllur një qendër të gjuhës frënge të lidhur me ambasadën franceze në Teheran pas një urdhri gjyqësor. Kështu njoftoi të dielën zyra e prokurorit të Teheranit.

Qendra operoi për vite me radhë nën maskën e mësimdhënies së gjuhëve të huaja, pavarësisht paralajmërimeve të përsëritura për të marrë një licencë, thanë autoritetet, duke e akuzuar atë për aktivitete kundër kulturës iraniane dhe sigurisë kombëtare, duke përfshirë identifikimin dhe ndërtimin e rrjeteve, si dhe lehtësimin e largimit të iranianëve të kualifikuar nga vendi.

Parisi dëboi diplomatë iranianë pas një veprimi të ngjashëm të Teheranit muajin e kaluar, për shkak të akuzave për “ndërhyrje” në punët e brendshme të Iranit.