Vranësira dhe kthjellime/ Moti për ditën e sotme

Për ditën e hënë vendi ynë do të ndikohet nga kushte atmosferike relativisht të paqëndrueshme. Moti parashikohet me kthjellime e gradualisht shtim vranësirash mesatare deri të dendura në të gjithë territorin.

Reshje shiu me intensitet kryesisht të ulët në pjesën më të madhe të territorit prej orëve të mesditës deri ato të pasdites vonë.

Lokalisht dhe në mënyrë të izoluar reshjet në formën e shtrëngatave shoqëruar me shkarkesa elektrike përgjatë relieveve malore.

Era me drejtim verilindje - veriperëndim me shpejtësi mesatare 7 m/s, e cila përgjatë vijës bregdetare e kryesisht atë jugperëndimore dhe zonave luginore pritet të fitojë shpejtësi deri në 17 m/s. Valëzimi në det me forcë 1-2 ballë. /CNA