EKSKLUZIVE/ Deputetë e zyrtarë të lartë, komunikime dhe takime intensive me Ergys Agasin

Në dosjet hetimore që po zhvillon SPAK-u, rezulton se ka deputetë të Kuvendit të Shqipërisë, të cilët kanë qenë të përfshirë në komunikimet dhe takimet intensive me Ergys Agasin, veç disa zyrtareve në postin e drejtueseve, ku shumë prej tyre kanë qenë pjesë e takimeve të shpeshta në zyrën e Agasit.

Përveç ish-drejtores së AKSHI-t, Milinda Karçanajt, takime me Agasin ka zhvilluar edhe ish-drejtuesja e SHISH-it, Vlora Hyseni, po dhe drejtues të tjerë të institucioneve të tjera.

Në zyrën e Ergys Agasit, bazuar në pamjet filmike dhe provave që ka administruar Prokuroria e Posaçme, kanë shkuar zyrtarë të lartë të shtetit, drejtorë, deputetë dhe deri ministra, të cilët, në vend që të paraqitnin forcën te godina e Kryeministrisë, duket se kanë shkuar dhe janë paraqitur “rastësisht” në zyrën e Ergys Agasit.

Sipas SPAK, tashmë, edhe pas njoftimeve të bëra, ka treguar se ka siguruar pamje filmike ekskluzive, gjithashtu faktet dhe provat e tjera nga mjetet e sekuestruara, dokumente, mesazhe të ndryshme, pra, komunikime që ka mbajtur Agasi me zyrtarë të lartë të shtetit, por dhe vetë këta të fundit me varësitë e tyre apo për interesat e kërkuara nga Agasi.

Dosja hetimore pritet që të vijojë me tema, fakte dhe prova dhe të zgjerohet në një numër edhe më të madh njerëzish.

Deri më tani, nga hetimet e bëra për Ergys Agasin apo për për bashkëpunëtorët e tij, veç Ermal Beqirit dhe Milinda Karçanajt, janë edhe zyrtarë të tjerë të përfshirë.

Sot u përfshi dhe drejtori i përgjithshëm i Policisë së Shtetit, Ilir Proda dhe kryetarja e SHISH-it, Vlora Hyseni.

Gjithashtu, pritet të ketë dhe emra të tjerë zyrtarësh të lartë, ku siç theksuam dhe më lartë, ka deputetë, por dhe ministra që kanë, kanë paraqitur “forcën” te Ergys Agasi, por ende nuk ka një të dhëna zyrtare në lidhje me veprat e mundshme penale apo bashkëpunimin që kanë pasur këta individë me Agasin dhe zbërthimin e skemave nga SPAK-u./CNA