Kur Berat Buzhala del si budalla

Berat Buzhala, njeriu që dikur sulmonte dhe akuzonte ish-presidentin e Kosovës, Hashim Thaçin për vrasje dhe bënte thirrje që ai të përballej me drejtësinë në Hagë, ka dalë sërish si budalla, por kësaj here me një reagim për Vlora Hysenin, tashmë ish-drejtoreshën e SHISH, ndaj të cilës ka një masë arresti me urdhër të SPAK.

Një vit më parë, Buzhala ngrinte në piedestal Vlora Hysenin dhe bënte avokatin e saj mbrojtës, duke u shprehur se ajo kishte shkuar te CIA për shkak të punës së saj.

“Vlora Hyseni është zyrtarja e parë shqiptare në Kosovë dhe Shqipëri, që pritet nga figurat qendrore të Administratës Trump. Këtë raport me SHBA-në, Vlorës nk ja ka dhënë as Edi Rama, as Bajram Begaj, por puna e saj”, shprehej dikur Buzhala.

Po budallallëku i tij në mbrojtjen e ish-drejtoreshës së SHISH nuk ndalet këtu. Kjo sepse i cilëson si “idiotë” ata që dikur e shkarkuan nga drejtimi i Agjencisë së Kosovës për Inteligjencë.

Por siç duket “idiotët” e Kosovës, siç i cilëson Buzhala, paska qenë të zgjuar dhe paskan ditur çdo gjë që kanë urdhëruar shkarkimin e saj si kreu i AKI-së.

Kjo u faktua sot, kur me kërkesë të SPAK-ut dhe me vendim të GJKKO-së, u vendos masa e sigurisë “arrest shtëpie” ndaj ish-drejtoreshës së SHISH.

Vlora Hyseni akuzohet për "Përkrahje të autorit të krimit", "Nxjerrje të sekretit shtetëror" dhe "Shpërdorim detyre". Por, masa e sigurisë arrest shtëpie për Vlora Hysenin nuk është ekzekutuar, për shkak se ndodhet jashtë vendit në një konferencë për sigurinë në Azerbajxhan. /CNA